მუსიკალური თერაპია
ინდივიდუალური და ჯგუფური სესიები ემოციური დაძაბულობის შესამცირებლად, თვითშეფასების ასამაღლებლად და კომუნიკაციის უნარების განსავითარებლად.
01/ვინ ვართ ჩვენ
სოციალური საწარმო ვოკალური სკოლის ბაზაზე
„იბერია 2025“ (Iberia 2025 Inc.) არის ნიუ-იორკში 2025 წელს დაფუძნებული სოციალური საწარმო, სადაც ფუნქციონირებს ბავშვთა ვოკალური ანსამბლი „იბერია“. ანსამბლი „იბერია“ ნიუ-იორკში 2019 წლიდან ჩამოყალიბდა ქართული კულტურის ცენტრ „დანსინგ ქრეინის“ ბაზაზე.
2025 წელს „დანსინგ ქრეინსა“ და „იბერია 2025“-ს შორის მყარი თანამშრომლობის საფუძველზე დაიწყო სოციალური პროექტი, რომელიც ემსახურება მიგრანტი, ლტოლვილი და თავშესაფრის მაძიებელი ბავშვებისა და მოზარდების ფსიქოსოციალურ გაძლიერებას, კულტურულ ინტეგრაციასა და ენობრივ ადაპტაციას.
ჩვენი საქმიანობა სცდება სტანდარტული მუსიკალური განათლების ჩარჩოებს. ჩვენ ვიყენებთ ხელოვნებასა და კრეატიულ თვითგამოხატვას, როგორც უნივერსალურ ენას ემოციური სტაბილურობის აღსადგენად, ტრავმების დასაძლევად და ბავშვების წარმატებული რეზოციალიზაციისთვის ახალ სოციალურ გარემოში.
მისია
შევქმნათ უსაფრთხო, ინკლუზიური და ემოციურად მხარდამჭერი საგანმანათლებლო სივრცე. ინოვაციური TIMM მოდელის მეშვეობით მუსიკა ვაქციოთ ინსტრუმენტად, რომელიც ბავშვებს ეხმარება სტრესის მართვაში, თვითშეფასების ამაღლებასა და კულტურათაშორისი ემპათიის გაღვივებაში.
ხედვა
„იბერია 2025“ ჩამოყალიბდეს საერთაშორისოდ აღიარებულ მულტიკულტურულ ხიდად ტრავმაზე ორიენტირებული ხელოვნების საგანმანათლებლო პლატფორმების დანერგვაში.
02/მემკვიდრეობა
ანსამბლ „იბერიას“ ისტორია
ანსამბლი „იბერია“ სათავეს 1989 წლის საქართველოდან იღებს, სადაც მას დიდი წვლილი აქვს შეტანილი წარმატებული თაობების აღზრდაში. ანსამბლის აღზრდილები იყვნენ შემდგომში ისეთი ცნობილი სახეები, როგორებიც არიან დიანა ღურწკაია, სოფო მასხულია და ამიკო ჯანელიძე — და სხვა არაერთი წარმატებული პიროვნება.
ეკატერინე ჩიჩუამ 2019 წელს ხელახლა დააარსა ბავშვთა ვოკალური ანსამბლი „იბერია“ აშშ-ში, კულტურული ცენტრ Dancing Crane Company-ის ბაზაზე. ანსამბლი უკვე ექვსი წელია წარმატებით ფუნქციონირებს ნიუ-იორკში და ეხმარება იმიგრანტ ბავშვებს ვოკალური ტექნიკის დაუფლებაში, სცენური თვითგამოხატვისა და მუსიკალური გემოვნების ჩამოყალიბებაში.
